काठमाडौं । नेपाली कांग्रेसका सभापति गगन थापाले डोजरले नागरिकको झुपडी मात्र नभएर उनीहरूको मर्यादा र राज्यप्रतिको भरोसा पनि भत्काएको बताएका छन् । उनले शुक्रबार सामाजिक सञ्जालमा पोस्ट गर्दै यस्तो बताएका हुन् ।

उनले भनेका छन्, ‘यो डोजरले नागरिकको झुपडी मात्र होइन, उनीहरूको मर्यादा र राज्यप्रतिको भरोसा पनि भत्काएको छ । सस्तो लोकप्रियताका लागि गरिएको यो निर्मम प्रहारले सडक त खाली गराउला, तर यसले लोकतन्त्रको जग कमजोर बनाउँछ ।’

नदी किनार खाली गर्नैपर्ने तर त्यो काम डोजरले नभएर कानुनको प्रयोग गरेर गर्नुपर्ने बताए ।

उनले नक्कली सुकुम्बासीलाई दण्ड दिन पनि भनेका छन् । तर वास्तविक भूमिहीनलाई पहिचान नगरी, पुनर्स्थापनाको आधार नबनाई, धम्क्याएर र लखेटेर हटाउने काम तत्काल बन्द गर्न सरकारलाई सुझाव दिएका छन् ।

उनले याद राज्यको सामर्थ्य डोजरको दाँतमा नभएर, कानुनको न्यायपूर्ण कार्यान्वयनमा देखिनुपर्ने बताएका छन् ।

‘हामीले कोही पनि रहरले सुकुम्बासी हुँदैन भनेर बुझ्नुपर्छ । शासक बस्ने सहरमा मात्रै स्रोत र साधन केन्द्रित गर्ने हाम्रो विकासको गलत ढाँचाले मानिसहरूलाई गाउँबाट सहर पस्न बाध्य पार्यो । किन भूमिहीनको कुरा गर्दा सधैं सीमान्तकृत र दलित समुदाय नै अग्रपंक्तिमा ठोक्किन्छन् ? यो अपमानित भएर बाँच्नुपर्ने कथा केवल गरिबीको कथा मात्र होइन, यो राज्यले गरेको ऐतिहासिक विभेदको परिणाम हो’ उनले भनेका छन् ।

यस्तो छ सभापति थापाको भनाई :