शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार , जेठ २२, २०८३
काठमाडौं । नेपाली कांग्रेसका नेता डा. चन्द्र भण्डारीले देशका संवेदनशील विषय र कूटनीतिक मामिलामा बोल्दा वा लेख्दा अत्यन्तै जिम्मेवार र सचेत हुन सबैलाई आग्रह गरेका छन्।
पछिल्लो समय सामाजिक सञ्जालमा राजनीतिक र कूटनीतिक विषयलाई लिएर भइरहेका टीका–टिप्पणी र होहल्ला प्रति संकेत गर्दै नेता भण्डारीले फेसबुकमार्फत भनेका छन्,सडक र सामाजिक सञ्जालबाट कूटनीति चल्दैन । उनले नेता भण्डारीले कूटनीतिको आफ्नै मर्यादा र परिपक्वता हुने उल्लेख गर्दै सडकको गालीगलौजले राष्ट्रिय हित नगर्ने स्पष्ट पारेका छन् ।
उनले भनेका छन्, जिब्रो चिप्लिनु, शब्द चयनमा त्रुटि हुनु वा कूटनीतिक प्रसङ्गमा हुने गल्तीलाई आधार बनाएर सामाजिक सञ्जालमा अनावश्यक होहल्ला र ट्रोल सिर्जना गर्नु उचित होइन । कूटनीति होहल्ला, आरोप–प्रत्यारोप वा सडकबाट नभई संवाद, धैर्य र परिपक्वताबाट निर्देशित हुन्छ । त्यसैले हतारिएर निष्कर्षमा पुग्नुभन्दा प्रतीक्षा गर्नु बुद्धिमानी हुन्छ ।
भण्डारीले भनेका छन्, देश र जननी दुवै पवित्र छन् । व्यक्ति आउँछ र जान्छ, तर देश सदैव रहिरहन्छ । जिउँदो मानिसका गल्ती हुन्छन्, जसलाई सच्याउन सकिन्छ, तर मृतकमा सुधारको कुनै सम्भावना हुँदैन ।
ठूला लक्ष्य र संकल्प लिएर हिँडेका देशका राजनीतिक नेताहरूले समयअनुसारका चुनौती र अवसर दुवैलाई ध्यानमा राखेर मात्रै कदम चाल्नुपर्ने उनको भनाइ छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस