जेनजी आन्दोलन पछि बन्द विराटनगरको भाट–भटेनी सञ्चालनमा

सुनौलो नेपाल

शनिवार , आषाढ २७, २०८३

जेनजी आन्दोलन पछि बन्द विराटनगरको भाट–भटेनी सञ्चालनमा

विराटनगर । जेनजी आन्दोलनमा क्षतीग्रस्त भएको विराटनगरस्थित भाट–भटेनी सुपर स्टोर आजदेखि औपचारिक रूपमा पुनः सञ्चालनमा आएको छ । आन्दोलनका क्रममा क्षति पुगेको संरचनाको पुनर्निर्माण सम्पन्न भएपछि स्टोरले नियमित सेवा सुरु गर्ने भएको हो ।

भाटभटेनी सुपर मार्केटका प्रमुख सञ्चालन अधिकृत पानु पौडेलका अनुसार पुनर्निर्माणपछि स्टोरलाई ग्राहकको आवश्यकतालाई ध्यानमा राख्दै थप व्यवस्थित र आधुनिक सुविधासहित सञ्चालनमा ल्याइएको हो ।

स्टोरले ग्राहकलाई सहज, गुणस्तरीय र भरपर्दो सेवा उपलब्ध गराउने प्रतिबद्धता जनाएको छ। पुनः सञ्चालनसँगै विराटनगरका ग्राहकले दैनिक उपभोग्य सामग्री, खाद्यान्न, घरायसी सामानलगायतका वस्तुहरू नियमित रूपमा खरिद गर्न सक्नेछन् ।\

स्टोर व्यवस्थापनले ग्राहक सुविधालाई प्राथमिकतामा राख्दै सेवा प्रणालीलाई थप प्रभावकारी बनाउने जनाएको छ , जेनजी आन्दोलनका क्रममा भाटभटेनीका २१ शाखाहरुमा क्षतीग्रस्त भएका थिए । आन्दोलनमा १२ शाखा पुर्ण रुपमा ध्वस्त भएका थिए ।

आन्दोलन लगतै सुरुमा नक्सालको वेयर हाउस सञ्चालनमा ल्याएको थियो । लगतै कोटेश्वर र महारजगञ्ज शाखा पनि सञ्चालनमा आइसकेको छ । बौद्ध चुच्चेपाटीको शाखा पनि निर्माृण पछि सञ्चालनमा आएको छ । विराटनगरको शाखा सञ्चालनमा आएसँगै भाटभटेनीका ५ शाखा पुर्ण रुपमा सञ्चालनमा आएका छन् ।