काठमाडौं । सत्ता गठबन्धनका शीर्ष नेताहरुको बैठक जारी छ । प्रधानमन्त्री निवास बालुवाटारमा अहिले बैठक बसिरहेको छ । कार्यदलका सदस्यहरु समेत सहभागी बैठकमा एकभन्दा बढी दलको दाबी रहेको क्षेत्रहरुमा सहमतिको प्रयास भइरहेको छ ।

पछिल्लो दिनमा गठबन्धनको बैठक हरेक दिनजसो बस्ने गरेको छ । तर उम्मेदवारी दर्ता गर्ने दिन नजिकिँदै गर्दा गठबन्धनमा सहमति जुट्न भने सकेको छैन ।

गठबन्धनको बैठक बसिरहेका कारण कांग्रेसको कार्यसम्पादन समितिको बैठक समेत सुरु हुन सकेको छैन । कांग्रेसले बिहान ९ बजे कार्यसम्पादन समितिको बैठक बोलाएको थियो ।

नेताहरु बालुवाटार पुगेपनि गठबन्धनको बैठक चलिरहेका कारण कार्यसम्पादन समिति बैठक बस्न नसकेको एक नेताले जानकारी दिए ।