धनगढी । कैलालीमा सामुदायिक वनमा गाडिएको अवस्थामा एक महिलाको शव भेटिएको छ ।

प्रहरी निरीक्षक खगेन्द्र साउदका अनुसार गौरीगंगा नगरपालिका–२ की २७ वर्षीया कविता बुढाको शव घर नजिकैको सामुदायिक वनमा गाडेको अवस्थामा फेला परेको हो ।

उनले महिलाको बुढाको शव केदारेश्वर सामुदायिक वनमा गाडिएको अवस्थामा भेटिएको जानकारी दिए ।

बुढाका परिवारले उनी हराएको भन्दै सोमबारमात्र खोजीका लागि प्रहरीमा निवेदन दिएका थिए ।

उनको कसैले हत्या गरेर शव गाडेको हुनसक्ने आशंका रहेको प्रहरीको भनाई छ । घट्नाको थप अनुसन्धान भइरहेको कैलाली प्रहरीले जनाएको छ ।