बझाङ । बझाङमा २८ वर्षीय महिलालाई जबरजस्ती करणी गरेको आरोपमा एक जना १३ वर्षीय बालक पक्राउ परेका छन् ।

हिंडडुल गर्न नसक्ने २८ वर्षीय महिलालाई जबरजस्ती करणी गरेको आरोपमा एक बालकलाई पक्राउ गरिएको बझाङका प्रहरी प्रमुख तथा प्रहरी नायब उपरीक्षक भरत शाहले जानकारी दिए ।

उनका अनुसार जबरजस्ती करणी गरी फरार भएका भनिएका निज बालकलाई प्रहरी पोष्ट बगडगाँउबाट खटिएको टोलीले बालुवाटार भन्ने ठाउँबाट नियन्त्रणमा लिएको हो ।

डिएसपी शाहका अनुसार पीडित महिलाकी हजुरआमाले करणी गरेको थाहा पाएपछि स्थानीयलाई घटनाबारे बताएकी थिइन् । घटनाको थप अनुसन्धान भइरहेको प्रहरीले जनाएको छ ।