काठमाडौँ । मनाङबाट प्रतिनिधिसभा सदस्यमा निर्वाचित नेपाली कांग्रेसका प्रतिनिधिसभा सांसद टेकबहादुर गुरुङको निलम्बन फुकुवा भएको छ ।
सांसद गुरुङ २०७९ पुस १२ गते निलम्बनमा परेका थिए । निलम्बनमा परेपछि सांसद गुरुङले गएको फागुन २१ गते सर्वोच्चमा रिट दायर गरेका थिए ।
गुरुङको पक्षमा सर्वोच्च अदालतले निलम्बन फुकुवाको फैसला गरेको हो । संघीय संसदका महासचिव पद्मप्रसाद पाण्डेयले बुधबार सर्वोच्च अदालतको आदेशअनुसार निलम्बन फुकुवा गरिएको सूचनाजारी गरेका छन् ।