पर्सामा बयान सकिएपछि रवि लामिछानेलाई पोखरा पुर्‍याइयो

सुनौलो नेपाल
बुधबार, २६ मंसिर २०८१

पोखरा । राष्ट्रिय स्वतन्त्र पार्टीका सभापति रवि लामिछानेलाई पोखरा पुर्‍याइएको छ । सहकारी ठगीको अभियोगमा हिरासतमा रहेका सभापति लामिछानेलाई आज पर्साबाट काठमाडौं ल्याएर फेरि पोखरा पुर्‍याइएको हो ।

रविलाई आज बिहान वीरगञ्जबाट काठमाडौं ल्याइएको थियो भने केही बेर विमानस्थलमा राखेर पोखरा लगिएको हो ।

बुधबार पर्सा जिल्ला सरकारी वकिल कार्यालयले लामिछानेसँग बयान लिएको हो । वीरगञ्जको सानो पाइला बचत तथा ऋण सहकारी संस्थामा बचकर्ताको रकम हिनामिना गरेको प्रकरणमा बयानका लागि लगिएको थियो ।

लामिछानेलाई २ कात्तिकमा बनस्थलीस्थित पार्टी कार्यालयबाटै नियन्त्रणमा लिएको थियो ।

सम्बन्धित विषय:

पर्सा राष्ट्रिय स्वतन्त्र पार्टी सभापति रवि लामिछाने

ताजा अपडेट

लोकप्रिय

पर्सामा बयान सकिएपछि रवि लामिछानेलाई पोखरा पुर्‍याइयो