बिहिवार, श्रावण ७ गते २०८३
बिहिवार, श्रावण ७ गते २०८३
बिहिवार, श्रावण ७ गते २०८३
बिहिवार , श्रावण ७, २०८३
काठमाडौं । नेपाल प्रहरीको केन्द्रीय अनुसन्धान ब्यूरो (सीआइबी) ले नेपाल माइक्रो इन्स्योरेन्स लिमिटेडका तत्कालीन प्रमुख कार्यकारी अधिकृत मृगेन्द्रनाथ रिमाल पक्राउ गरेको छ । उनलाई काठमाडौं महानगरपालिका–७ सिफलबाट बिहीबार पक्राउ गरेको हो ।
जेठ २८ गते जिल्ला अदालत काठमाडौंमा मुद्दा दायर गर्दा उनी फरार थिए । फरार नै कायम गरी मुद्दा दायर गरिएको थियो । उनलाई बीमा ऐन, २०७९ र धितोपत्र सम्बन्धी ऐन, २०६३ अन्तर्गतको कसुरमा दिपक भट्टसँग जोडिएको मुद्दामा पक्राउ गरेको सिआइबी प्रवक्ता एसएसपी अनुपम शमशेर जबराले जानकारी दिए ।
यता, उच्च अदालत पाटनले बैंकिङ कसुरको अभियोग लगाइएका व्यावसायी दीपक भट्टसहितका प्रतिवादीको बयान लिन थालेको छ । जेठ २८ मा ४२ करोड १४ लाख रुपैयाँ बिगो दाबी गर्दै उच्च अदालतमा मुद्दा दायर भएकाे थियो ।
उच्च अदालतका न्यायाधीशद्वय अर्जुनप्रसाद कोइराला र कविप्रसाद न्यौपानेको संयुक्त इजलासमा बयान सुरु भएको हो । उक्त मुद्दामा इन्फिनिटी होल्डिङ्सका अध्यक्ष रहेका भट्ट, जगदम्बा स्टील्सका सञ्चालक शंकरलाल अग्रवाल, शुलभ अग्रवाल र शाहिल अग्रवाललाई प्रतिवादी छन् ।
अदालतले बयान सकिएपछि थुनछेकसम्बन्धी बहस सुरु गर्नेछ । थुनछेक बहसमा भट्ट र अग्रवालसहितका प्रतिवादी र सरकारी वकिलबाट इजलाससमक्ष सुनुवाइ गरिनेछ । त्यसपछि प्रतिवादीलाई मुद्दाको अन्तिम टुंगो नलागेसम्म पुर्पक्षका निम्ति थुनामा पठाउने, धरौटी तारिखमा छाड्ने वा साधारण तारिख तोक्ने विषयको टुंगो लाग्नेछ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस