काठमाडौं । चितवनको भरतपुरमा सवा अर्ब रुपैयाँ लगानीमा चारतारे होटल खुल्ने भएको छ । चितवन बिजनेस कम्प्लेक्सले बनाइरहेको होटलको अहिलेसम्म सिभिल निर्माण ९५ सकिएको छ । यस्तै इन्टेरियर डिजाइनको काम ७० प्रतिशत सकिएको छ ।

होटल आउँदो दुई महिना अर्थात मध्यअप्रिलमा सम्पन्न गर्ने लक्ष्य रहेको चितवन बिजनेसले जनाएको छ । होटल पूर्वाधार बनाउन १ अर्ब ३० करोड ५० लाख रुपैयाँ खर्च हुने अनुमान गरिएको छ । जसमा ७० करोड रुपैयाँ बैंकबाट ऋण र ६० करोड ५० लाख रुपैयाँ स्वपुँजी (इक्विटी) लगानी हुने चितवन बिजनेसले जनाएको छ ।

५४ प्रतिशत बैंकको ऋण र बाँकी ४६ प्रतिशत संस्थापकको हुने गरी लगानी संरचना बनाइएको छ । अहिलेसम्म इक्विटीको ९४ प्रतिशत अर्थात ५६ करोड ७० लाख रुपैयाँ लगानी भइसकेको छ । एस्केलेटर र लिफ्टको काम मात्र बाँकी छ जुन अप्रिल २०२५ भन्दा पहिले पूरा हुनेछ ।

होटल परियोजनाको लागत केही बढ्ने र इक्विटी सेयरधारकहरूमार्फत थप लगानी हुने भएको छ ।
होटल ५५ कोठा रहने भएका छन् । सबै आधुनिक सुविधासहित स्विमिङ पूल, सम्मेलन र बैंक्वेट हल र अन्य सुविधाहरू समावेश छन् ।

सामान्यतया, होटलहरूलाई लगानी उठाउन र नाफा कमाउन लामो जेस्टेसन अवधि चाहिन्छ । होटल परियोजनाहरूमा लामो अवधि हुन्छ किनकि प्रिमियम होटल निर्माण हुन तीन देखि चार वर्ष लाग्छ । यसबाहेक, प्रिमियम होटलहरूमा ठूलो लगानीको आवश्यकता पर्दछ र लामो अवधिहरू हुन्छन् ।

ग्राहकहरूलाई आकर्षित गर्ने, अकुपेन्सी स्तर कायम राख्ने, आफ्नो ब्रान्ड स्थापना गर्ने र परिकल्पना गरिएअनुसार होटलबाट लाभ उठाउने कम्पनीको क्षमता महत्वपूर्ण मूल्याङ्कन कारक हुनेछ । नेपालको होटल उद्योग ठूलो प्रतिस्पर्धा छ । चितवनमा सञ्चालित होटलहरूको संख्या उच्च छ जसले अन्ततः तीव्र प्रतिस्पर्धा ल्याएको छ ।

पर्यटकहरूको संख्यामा वृद्धि भए तापनि प्रतिस्पर्धाले प्रतिफल कमी आउन सक्छ ।

होटल भरतपुर विमानस्थलको मुल गेट अघि निर्माण भइरहेको छ । जुन सौराहबाट १६ किलोमिटरको दुरीमा रहेको छ । सौराह पर्यटकीय हब हो ।

होटल सन् २०२० मा स्थापना भएको हो । होटलका अध्यक्ष दीनुपकुमार बराल रहेका छन् । बराल इको पोसिलमर्स, इको इन्फ्रा डेभलपर, इको पाइप प्रोडक्ट कम्पनीका संस्थापक हुन् ।