सिद्धार्थनगरको आयोजनामा तीज गीत प्रतियोगिता, विजेताले पाउनेछन् नगद पुरस्कार

सुनौलो नेपाल

बिहिवार , श्रावण २२, २०८२

सिद्धार्थनगरको आयोजनामा तीज गीत प्रतियोगिता, विजेताले पाउनेछन् नगद पुरस्कार

रूपन्देही। सिद्धार्थनगर नगरपालिकाले हरितालिका तीजको अवसरमा परम्परागत 'तीज गीत' प्रतियोगिता आयोजना गर्ने भएको छ।

विगतका वर्षहरूमा जस्तै यस वर्ष पनि भदौ ३ गते भैरहवाको युनिक बैक्वेट हलमा कार्यक्रम हुने जनाइएको छ। सिद्धार्थनगर नगरपालिकाकी उपप्रमुख उमा अधिकारीको संयोजकत्वमा हुने तीज गीत प्रतियोगितामा महिला अधिकार र सशक्तिकरणलाई केन्द्रमा राखेर १० वटा समूहले आफ्नै मौलिक भाकामा तीज गीत प्रस्तुत गर्नेछन्।

प्रत्येक समूहमा महिला, कर्मचारी, आमा समूह र समुदायका महिला समूहका १० जना सहभागी हुनेछन्। गीत १० मिनेटको हुनुपर्ने र मौलिक रूपमा तयार गरिएको हुनुपर्ने नियम छ। मौलिक भाका, शब्द चयन, विषय उठानका आधारमा प्रथम, द्वितीय, तृतीय र सान्त्वना पुरस्कार क्रमशः २० हजार, १५ हजार, १० हजार र ५ हजार नगद प्रदान गरिनेछ आयोजकले बताएको छ।

प्रतियोगिताले महिलाहरूको सशक्तीकरण र सांस्कृतिक संरक्षणमा योगदान पुर्‍याउनेछ।ू स्थानीय संस्कृतिलाई जीवन्त राख्न र महिला आवाजलाई प्रोत्साहन गर्न यो कार्यक्रमले महत्त्वपूर्ण भूमिका खेल्ने अपेक्षा सहित कार्यक्रम आयोजना गर्न लागेको उप प्रमुख अधिकारीले बताइन् ।