डा.गोविन्द केसीले सुरु गरे सत्याग्रह

सुनौलो नेपाल

आइतवार , भाद्र १५, २०८२

काठमाडौं । प्रा.डा.गोविन्द केसीले तीनदिने सत्याग्रह सुरु गरेका छन् ।

उनले धनगढीस्थित गेटा मेडिकल कलेज परिसरमा पत्रकार सम्मेलन गर्दै सत्याग्रह सुरु गरेको जानकारी दिएका हुन् ।

निजी मेडिकल कलेजको सिट वृद्धि लगायत निर्णयको विरोध गर्दै सत्याग्रह सुरु गरेका उनले भनेका छन्, ‘निजी मेडिकल कलेजहरूको सिट वृद्धि गर्दा नेता र माफियाको झोला भरिन्छ, तर शिक्षाको गुणस्तर खस्किन्छ । गुणस्तर खस्कनुको अर्थ स्वास्थ्य सेवामा ह्रास आउनु हो, जुन आम नेपालीको स्वास्थ्यसँग खेलबाड गर्नु हो ।’

निजी मेडिकल कलेजको सिट वृद्धि फिर्ता गर्नुपर्ने, इलाम, उदयपुर र डडेलधुरामा सरकारी मेडिकल कलेज तथा अस्पताल खोल्नुपर्ने, कैलालीको गेटामा निर्माण सम्पन्न भइसकेको शिक्षण अस्पताल र शैक्षिक कार्यक्रम तत्काल सञ्चालन गर्नुपर्ने लगायत उनको माग छ ।