बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
आइतवार , कार्तिक २३, २०८२
काठमाडौं । हङकङ सुपर सिक्सेस क्रिकेट प्रतियोगितामा नेपाल यूएईसँग ४३ रनले पराजित भएको छ। आइतबारको खेलमा यूएईले दिएको १३० रनको लक्ष्य पछ्याउँदै नेपालले निर्धारित ६ ओभरमा चार विकेटको क्षतिमा ८६ रन मात्रै बनाउन सक्यो।
नेपालका लागि आदिल आलमले ३२ रन, र सन्दीप जोराले नटआउट ३१ रन जोडे पनि टोलीलाई जित दिलाउन सकेनन्।
यसअघि टस हारेर पहिले ब्याटिङ गरेको यूएईले ६ ओभरमा चार विकेट गुमाएर १२९ रनको विशाल स्कोर बनाएको थियो।
यूएईका निलांश केसवानीले १५ बलमा विस्फोटक ७३ रन जोडे — जसमा १० छक्का र तीन चौका समावेश थिए।
नेपालका लागि राशिद खानले दुई विकेट, जबकि लोकेश बम र रुपेश सिंहले एक–एक विकेट लिएका थिए।
हङकङ सिक्सेसमा नेपालले हालसम्म पाँच खेल खेलेको छ, जसमा उसले भारतविरुद्ध एक मात्र जित, र अफगानिस्तान, दक्षिण अफ्रिका, श्रीलंका र यूएईसँग हार बेहोरेको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस