सुनौलो नेपाल
एजेन्सी । एक महिलाले एके पटक दश बच्चालाई जन्म दिएर नयाँ रेकर्ड बनाएकी छिन् ।
दक्षिण अफ्रिकाकी गोसियामी सिटहोल नाम गरेकी ३७ वर्षीया महिलाले दश बच्चालाई जन्म दिएकी हुन्, जसमा सात छोरा र तीन छोरी भएको न्यूज एजेन्सी एएनएले जनाएको छ । गर्भवती अवस्थामा उनलाई चिकित्सकले ६ वटा बच्चा हुन सक्ने बताएका थिए ।
अफ्रिकी मिडियामा उल्लेख भए अनुसार दश बच्चाको जन्मपछि सिटहोल दम्पत्ति निकै खुशी छन् ।
उनीहरुको परिवारमा खुशी मनाइएको छ । सिटहोलले ७ जुनमा बच्चाहरुलाई जन्म दिएकी हुन् । अहिले आमा र बच्चा सबैको स्वास्थ्य खतरामुक्त रहेको बताइएको छ ।
एक महिना अघि मालीकी २५ वर्षीय महिलाले मोरक्कोको एक क्लिनिकमा एकै पटक नौ जना शिशुलाई जन्म दिएर विश्व रेकर्ड बनाएकी छिन् । अब यो रेकर्ड सिटहोलको पोल्टामा गएको छ ।
गिनिस बुक अफ वल्र्ड रेकर्ड्समा सन् २००९ मा अमेरिकी आमा नादया सुलेमानले आठ बच्चालाई जन्म दिएर रेकर्ड बनाएकी थिइन्।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
