बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
शनिवार , चैत्र १४, २०८२
काठमाडौं । प्रमुख प्रतिपक्षी दल नेपाली कांग्रेसले जाँचबुझ आयोगको प्रतिवेदनका आधारमा केपी ओली र रमेश लेखकलाई विधि प्रक्रिया मिचेर पक्राउ गरेको निष्कर्ष निकालेको छ ।
शनिबार पार्टी कार्यालय सानेपामा शीर्ष नेताहरुको छलफलपछि धारणा सार्वजनिक गर्दै कांग्रेसले विधिको शासन विपरीत ओली र लेखकलाई पक्राउ गरिएको निष्कर्ष निकालेको हो । एउटै घटना, एउटै प्रतिवेदन र समान सिफारिस हुँदाहुँदै पनि सरकारको व्यवहार चयनात्मक देखिएको कांग्रेस प्रवक्ता देवराज चालिसेले बताए ।
उनले हतारमा गरिएको पक्राउ र निर्णयले विधिसम्मत प्रक्रिया उल्लङ्घन भएको भन्दै यसले न्याय प्रक्रियालाई नै कमजोर बनाउने उल्लेख गरे ।
भदौ २३ र २४ दुवै दिनका घटनामा संलग्न व्यक्तिहरूको निष्पक्ष, पारदर्शी र कानूनी प्रक्रियाअनुसार अनुसन्धान र कारवाही हुनुपर्नेमा पार्टीको जोड रहेका उनले बताए ।
साथै भाद्र २४ गते भएको आगजनी र विध्वंसमा संलग्न सबै पक्ष सार्वजनिक हुनुपर्ने कांग्रेसले जनाएको छ । हतारमा गरिने यस्ता निर्णयले देशलाई पुनः द्वन्द्व र अस्थिरतातर्फ धकेल्ने खतरा रहेको कांग्रेसको ठहर छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस