सुनको मूल्यमा सामान्य गिरावटः तोलामा २ हजार ५०० ले घट्यो, चाँदीको मूल्य कति ?

सुनौलो नेपाल

सोमवार , चैत्र १६, २०८२

सुनको मूल्यमा सामान्य गिरावटः तोलामा २ हजार ५०० ले घट्यो, चाँदीको मूल्य कति ?

काठमाडौं । नेपाली बजारमा आज सुन र चाँदी दुवैको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्यमा एकैदिन प्रतितोला २ हजार ५ सय रुपैयाँको भारी गिरावट आएको हो।

महासंघका अनुसार आज छापावाल सुन प्रतितोला २ लाख ८३ हजार ५ सय रुपैयाँमा कारोबार भइरहेको छ। अघिल्लो दिन (हिजो) सुनको मूल्य प्रतितोला २ लाख ८६ हजार रुपैयाँ रहेको थियो। यस्तै, आज १० ग्राम सुनको मूल्य २ लाख ४३ हजार ५५ रुपैयाँ कायम गरिएको छ।

सुनसँगै आज चाँदीको मूल्य पनि सामान्य घटेको छ। महासंघका अनुसार चाँदी तोलामा २० रुपैयाँले घटेर प्रतितोला ४ हजार ७ सय रुपैयाँमा किनबेच भइरहेको छ। हिजो चाँदीको मूल्य प्रतितोला ४ हजार ७ सय २० रुपैयाँ रहेको थियो। यस्तै, आज १० ग्राम चाँदीको मूल्य ४ हजार ३० रुपैयाँ तोकिएको छ।