सुनचाँदीको मूल्यमा वृद्धिः सुनको मूल्य तोलामा एक हजार ८०० ले बढ्यो, चाँदीको मूल्य कति ?

सुनौलो नेपाल

बिहिवार , बैशाख २४, २०८३

सुनचाँदीको मूल्यमा वृद्धिः सुनको मूल्य तोलामा एक हजार ८०० ले बढ्यो, चाँदीको मूल्य कति ?

काठमाडौं । बुधबारको तुलनामा स्थानीय बजारमा आज पनि सुनचाँदीको भाउ बढेको छ । सुन तोलामा रु एक हजार ८०० र चाँदी रु १०५ ले बढेको हो ।

नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला रु दुई लाख ९८ हजार ६०० र त्यति नै परिमाणको सेतो धातुको मूल्य रु पाँच हजार १५५ कायम भएको छ ।

हिजो बुधबार छापावाल सुनको मोल प्रतितोला रु दुई लाख ९६ हजार ८०० र त्यति नै परिमाणको चाँदी रु पाँच हजार ५० मा खरिदबिक्री भएको थियो । गत मङ्गलबार एक तोला छापावाल सुन रु दुई लाख ९१ हजार र त्यति नै परिमाणको चाँदी रु चार हजार ८८० मा किनबेच भएको थियो ।