logo

२०७९ माघ २० शुक्रबार

logo
  • शुक्रबार, २० माघ २०७९
  • उपत्यकामा बढ्यो वायु प्रदुषण (फोटो फिचर)

    उपत्यकामा बढ्यो वायु प्रदुषण (फोटो फिचर)

    1.6K
    SHARES
    उपत्यकामा बढ्यो वायु प्रदुषण (फोटो फिचर)

    काठमाडौं । हरेक वर्ष जाडो मौसम शुरु भएसँगै वायु प्रदुषण पनि बढ्न थाल्छ।


    nmb


    यो वर्ष पनि मौसम चिसिँदै जाँदा प्रदुषण पनि दिन प्रतिदिन बढीरहेको छ। जाडो मौसममा हावा पनि चिसो हुन्छ। चिसो हावाको घनत्व बढी भएकाले तातो हावा जस्तो सहजै उडेर जान सक्दैन। चिसो हावाको माथिल्लो तहमा तातो हावा हुन्छ।

    यसरी चिसो र तातो हावाको तहले प्रदुषणलाई यही वायुमण्डलभित्रै अवरोध सिर्जना गर्छ। जसले गर्दा जाडो मौसममा प्रदुषण बढी हुने गर्छ।

    यसरी चिसो मौसममा बढी प्रदुषण हुँदा धुम्रपान नगर्नेमा पनि फोक्सोको क्यान्सर बढ्ने विज्ञ बताउँछन्। प्रदूषणले गर्दा मानिसमा एलर्जी मात्रै नभएर हृदयघात, मधुमेह नियन्त्रण नहुने जस्ता समस्या देखिने गर्छन्।

    यो बेलामा मानिसहरु आफैंले बुझेर पनि वातावरणको सरसफाईमा ध्यान दिनुपर्ने हो। आम मानिसहरुलाई यसको पर्वाह छैन, जसकारण पनि अहिले वायु प्रदुषण काठमाडौंसहित देशका विभिन्न शहरमा खतरा बन्दै गएको छ।

    काठमाडौं उपत्यकामा यतिबेला वायु प्रदुषण बढेको छ। नदी, सडक र गल्लीहरुमा सरसफाई हुन सकेको छैन। जसकारण पनि यसको प्रत्यक्ष असर आम सर्वसाधारणमा परिरहेको छ।

    वायुमण्डलमा धुवाँ तथा धुलोको मात्रा बढी हुँदा आकाश नै तुवाँलोले ढाकेको छ। अझै पनि सर्वसाधारण नागरिकहरु नै यसमा चनाखो भएर वातावरण सरसफाईमा नलाग्ने हो भने वायु प्रदुषणले झनै खतराको तह पार गर्ने निश्चित छ।

    सबैभन्दा पहिला जथाभावी  फोहोर फाल्ने बानी हटाउनुपर्। नदीनाला, सार्वजनिक जग्गा, सडकहरुमा फोहोर फाल्ने बानी हटाउनसके मात्रै पनि केही मात्रामा प्रदुषणलाई कम गर्न सकिन्छ।

    वायु प्रदुषणलाई रोक्न पुराना र थोत्रा सवारीसाधनहरुको प्रयोगमा पनि नियन्त्रण गर्न जरुरी छ । आजको फोटोफिचरमा न्युज एजेन्सी नेपालका फोटो पत्रकारले कैद गरेका यी तस्बिरहरु।


    सुनाैलाे नेपाल
    सम्बन्धित समाचार
    ताजा अपडेट
    धेरै पढिएको

    Copyright © All right reserved to Sunaulo Nepal Site By: SobizTrend