काठमाडौँ । नेपाली बजारमा सोमबार सुनको मुल्य ह्वात्तै घेटेको छ । आइतबार सरकारले भन्सादर १० प्रतिशत घटाएसँगै त्यसको प्रभाव सुनमा परेका हो ।

सुनको मूल्य आज तोलामै १५ हजार ९ सय रुपैयाँ घटेको छ । नेपाल सुनचाँदी व्यवसायी महासंघका अनुसार आज सोमबार सुनको मूल्य प्रतितोला १ लाख ५१ हजार ३ सय रुपैयाँ निर्धारण भएको छ । आइतबार सुन प्रतितोला १ लाख ६७ हजार २ सय रुपैयाँ कायम भएको थियो ।

महासंघले सरकारले १० प्रतिशत भन्सार दर कायम गरेपछि सोअनुसार सोमबारदेखि मूल्य समायोजन गरेको जनाएको छ । सरकारले सुनको भन्सारदर आइतबार २० बाट १० प्रतिशतमा झारेको हो जसको प्रभाव सुन बजारमा सोमबार नै परेको हो ।

सरकारले बजेटमार्फत १५ प्रतिशत रहेका भन्सार दर २० पुर्‍याएको थियो । भन्सारदर बढी भएपछि चोरी पैठारी हुन थालेपछि सरकारले वाध्य भएर सुनको भाउ घटाएको हो ।