बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
मंगलवार , जेठ ७, २०८२
काठमाडौं । नेपाल राष्ट्र बैंकको गभर्नरमा प्रा.डा. विश्व पौडेल नियुक्त हुने भएका छन् ।
प्रधानमन्त्री केपी शर्मा ओली र कांग्रेस सभापति शेरबहादुर देउवाबीच मंगलबार भएको छलफलका क्रममा पौडेललाई गभर्नर बनाउने सहमति जुटेको हो ।
यस सहमतिसँगै आजै मन्त्रिपरिषद्को बैठकबाट औपचारिक निर्णय हुनेछ ।
दुई दलबीच लामो रस्साकस्सीपछि अब राष्ट्र बैंकले रिक्त भएको डेढ महिनापछि नयाँ गभर्नर पाउने भएको हो ।
त्यस्तै, उपप्रधान तथा अर्थमन्त्री नेतृत्वको गभर्नर सिफारिस समितिको बैठक पनि आजै (मंगलबार) दिउँसो बस्दैछ । उक्त बैठकले गभर्नरका लागि पौडेलसहित तीनजनाको नाम सिफारिस गर्नेछ ।
अमेरिकाबाट अर्थशास्त्रमा पिएचडी गरेका पौडेल पछिल्लो समय काठमाडौं विश्वविद्यालयको स्कुल अफ म्यानेजमेन्टका प्रोफेसर थिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस