शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
सोमवार , जेठ २७, २०८२
काठमाडौं । पोर्चुगल यूईएफए नेसन्स लिगको च्याम्पियन बनेको छ । साविक विजेता स्पेनलाई ‘टाइब्रेकर’मा ५–३ ले पराजित गर्दै च्याम्पियन बनेको हो ।
खेल आइतबार जर्मनीको म्युनिखस्थित एलियन्ज रंगशालामा सम्पन्न भएको हो । निर्धारित ९० मिनेट र अतिरिक्त समयमा दुवै टोलीबाट २–२ को बराबरी भएको थियो । त्यसपछि पेनाल्टी सुटआउट भएको थियो ।
पेनाल्टीमा पोर्चुगलका लागि गोन्सालो रामोस, भिटिन्हा, ब्रुनो फर्नान्डेस, नुनो मेन्डिस र रुबेन नेभेसले गोल गरे ।
स्पेनका मिकेल मेरिनो, एलेक्स बाइना र इस्कोले गोल गरे । अल्भारो मोराटाको प्रहारलाई भने पोर्चुगलका गोलकिपर डियगो कोस्टाले बचाए ।
पोर्चुगल दोस्रो पटक च्याम्पियन बनेको हो । यसअघि टोलीले सन् २०१९ मा यो उपाधि जितेको थियो ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस