काठमाडौं । अखिल नेपाल फुटबल संघ (एन्फा) ले एएफसी यू–२० एसियन कप छनोटका लागि सहायक प्रशिक्षकमा चन्द्रा भण्डारीलाई नियुक्त गरेको छ ।
मंगलबार एन्फाले भुटानमा हुने एएफसी यू–२० एसियन कप छनोटका लागि राष्ट्रिय टोलीको सहायक प्रशिक्षकमा उनलाई नियुक्त गरेको हो ।
नवनियुक्त सहायक प्रशिक्षक भण्डारी नेपाली राष्ट्रिय महिला टोलीकी पाँचौँ कप्तानसमेत हुन् ।
एएफसी यू–२० एसियन कप छनोटमा नेपाल समूह ‘ए’मा परेको छ भने यस समूहमा नेपालसँगै उत्तर कोरिया, भुटान र साउदी अरेबिया छन् ।
छनोटअन्तर्गत नेपालले पहिलो खेल भुटानसँग, दोस्रो खेल उत्तर कोरियासँग र अन्तिम खेल साउदी अरेबियासँग खेल्ने छ ।
प्रतिक्रिया दिनुहोस