काठमाडौं ।  त्रिकोणात्मक टी–२० क्रिकेट प्रतियोगिता अन्तर्गत नेपाल र मलेसियाबीचको खेलमा नेपालले लगातार विकेट लिन सफल भएकाे छ । ७ ओभर बलिङ गरिसक्दा नेपालले ४ विकेट लिइसकेकाे छ । 

मलेसियाले चाैथाे विकेटका रुपमा शाइद अजिजलाई गुमाएकाे हाे । नेपालका दीपेन्द्र सिंह एरीले आसिफ शेखमार्फत क्याच आउट गराएका हुन् ।

त्रिवि क्रिकेट मैदानमा भइरहेको खेलमा टस हारेर ब्याटिङ्ग गरेको मलेसियाले तेस्राे विकेटमा विरनदीप सिंह गुमाएकाे थियाे । छैटाैँ ओभरकाे अन्तिम बलमा साेमपाल कामीले सफलता हात पारेका थिए ।

पहिलो विकेटका रुपमा करण केसीले मलेसियाका अनवार अरुदिनलाई क्याच आउट गराएका थिए । विकेट किपर विनोद भण्डारीले क्याच लिएका हुन् ।

त्यस्तै मलेसियाका अहम्मद फेज दाेस्राे विकेटका रुपमा रन आउट भएका थिए । उनलाई पनि विनोद भण्डारीले नै रन आउट गराएका थिए ।