सुनौलो नेपाल
एजेन्सी । विश्वका झण्डै सय देशलाई सहयोग गर्नका लागि अमेरिकाले दुई वर्ष भित्र ५० करोड डोज फाइजरले निर्माण गरेको खोप खरिद गर्ने भएको छ ।
यो वर्षभित्र २० करोड खोपको मात्रा वितरण गरिनेछ भने बाँकी सन् २०२२ मा वितरण गरिने बीबीसीमा उल्लेख छ । संसारका कम आय स्रोत भएका र अफ्रिकी युनियनका मुलुकलाई खोप दिने जनाइएका छ । अमेरिकाले दिने यो खोप कोभ्याक्सअन्तर्गत बाँडिनेछ।
रोयटर्स समाचार संस्थाका अनुसार अमेरिकी सरकारले ९२ वटा कम आय भएका देश र अफ्रिकी सङ्घलाई उक्त खोप सहयोग गर्ने जनाएको छ। अमेरिकाले यसअघि कोभ्याक्समार्फत ६ करोड खोपको मात्रा उपलब्ध गराउने घोषणा गरेको थियो।
ह्वाइटहाउसका अधिकारीहरूले पछिल्लो चार सातामा फाइजररबायोएनटेकसँग खोप खरिदको सम्झौता गरेको उल्लेख गरिएको छ।
बाइडेन प्रशासनले यसअघि जुन अन्त्यसम्ममा ८ करोड डोज भ्याक्सिन विभिन्न मुलुकलाई दिने घोषणा गरिसकेको छ। त्यसको पहिलो लटमा २ करोड ५० लाख डोज कुन कुन क्षेत्रका मुलुकले पाउने भन्ने पनि एकिन भइसकेको छ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
