बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
मंगलवार , जेठ १२, २०८३
काठमाडौं । दक्षिणाम्नाय शृङ्गेरी शारदा पीठका पीठाधीश्वर अनन्तश्रीविभूषित जगद्गुरु शंकराचार्य विधुशेखर भारती महास्वामीजीले चन्द्रागिरिस्थित ऐतिहासिक एवं धार्मिक महत्त्वको भालेश्वर महादेव मन्दिरमा विशेष दर्शन तथा पूजा–अर्चना गरेका छन् । आफ्नो “धार्मिक विजय यात्रा नेपाल–२०२६” अभियान अन्तर्गत उनी सोमबार चन्द्रागिरि पुगेका हुन् ।
चन्द्रागिरि हिल्स आइपुगेका जगद्गुरु शंकराचार्यसहितको उच्च स्तरीय भ्रमण टोलीलाई चन्द्रागिरि हिल्स लिमिटेडका अध्यक्ष हेमराज ढकालले स्वागत गरेका थिए ।
भालेश्वर महादेवको विशेष पूजाआजा पश्चात जगद्गुरु शंकराचार्यले चन्द्रागिरिलाई धार्मिक तथा पर्यटकीय दृष्टिले एक उत्कृष्ट र अनुपम गन्तव्यको रूपमा प्रशंसा गरे । उनले भालेश्वर महादेव मन्दिर परिसरमा पुग्दा आफूलाई अलौकिक आध्यात्मिक अनुभूति भएको प्रतिक्रिया समेत दिए।
चन्द्रागिरिको प्राकृतिक सौन्दर्य, हरियाली, शान्त वातावरण र यहाँको सांस्कृतिक महत्त्वले विश्वभरका सनातन धर्मावलम्बी र पर्यटकलाई सहजै आकर्षित गर्ने उनको भनाइ थियो । जगद्गुरु शंकराचार्यसहितको भ्रमण टोलीले हरियालीले ढाकिएका डाँडाकाँडा, चिसो मौसम तथा काठमाडौं उपत्यकाको मनोरम दृश्यको दृश्यावलोकन गर्दै केबलकार यात्रालाई एक स्मरणीय र सुखद अनुभवको रूपमा वर्णन गरेको थियो ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस