काठमाडौं । लोकतान्त्रिक समाजवादी पार्टी नेपालका सांसद अनिलकुमार झाले पानी नपरेका कारण तराईको खेतीयोग्य भुमिको आँधा स्थानमा धान रोपाइँ हुन नसकेको बताए । उनले मल, बिउको समेत समस्या रहेको चर्चा गर्दै तराई मधेशका किसानहरुले भोगेका समस्याबाट छुटकारा दिलाउन राहत घोषणा गर्न सरकार समक्ष माग गरे ।

उनले भने – ‘जुन प्रकारले चुरे क्षेत्रको दोहन भएको छ । जुन प्रकारले नदीहरुको सतह माथि आएको छ । जुन प्रकारले हिमतालहरु र हिमालय क्षेत्रको वातावरण परिवर्तनको कारणले, जलवायु परिवर्तनको कारणले जुन स्थिति सिर्जना भइरहेको छ । त्यसमा भविष्यमा पर्ने असर हामी सबैले बुझिरहेको छौँ । तर तत्काल जुन अवस्था तराई, मधेसका किसानहरु भोगिरहेका छन् । त्यसबाट छुटकारा दिलाउनु र राहत घोषणा गर्नु अत्यन्त आवश्यक छ ।’

सांसद झाले तराईका किसानहरु धान रोपाइँ गर्न नपाएर पीडित बनेको भन्दै यसतर्फ कृषिमन्त्रीको ध्यानाकर्षण गराए ।