काठमाडौं । बाराही हाइड्रोपावर पब्लिक लिमिटेडको आईपीओ आइतवार हुने भएको छ ।

विक्री प्रबन्धक एनआईबिएल एस क्यापिटलका अनुसार आइतवार बिहान १० बजे आफ्नै कार्यालय लाजिम्पाटमा बाँडफाँट गर्ने जानकारी दिएको हो ।

कम्पनीको आइपीओमा १२ लाख १५ हजार २२० जनाले १ करोड ३८ लाख ७१ हजार २२० कित्ताको लागि आवेदन दिएका छन् । यो माग भन्दा २६ दशमलव ९२ गुणा बढी आवेदन परेको हो । माग भन्दा बढीको आवेदन परेकोले गोलाप्रथाबाट कम्पनीको आइपीओ बाँडफाँट हुने छ ।

सर्वसाधाणलाई छुट्याइएको ५ लाख १५ हजार २२० कित्ता सेयरका आधारमा ५१ हजार ५२२ जना आवेदकले गोलाप्रथा मार्फत १० कित्ताका दरले मात्र शेयर पाउनेछन् । कम्पनीले मंसिर २१ गतेदेखि २६ गतेसम्म ५ लाख ५४ कित्ता साधारण सेयर निष्कासन गरेको थियो । यसमध्ये २७ हजार कित्ता सामूहिक लगानी कोष र११ हजार ८० कित्ता सेयर कर्मचारीहरुका लागि छुट्याइएको थियो । बाँकी ५ लाख १५ हजार २२० कित्ताका लागि सर्वसाधारणले आवेदन दिन सक्ने ब्यवस्था थियो ।

इक्रा नेपालले कम्पनीको आइपीओलाई ‘इक्रएनपी आइआर डबल बी माइनस’ रेटिङ प्रदान गरेको छ । यसले दायित्व बहन गर्नेे क्षमतामा औषत जोखिम रहेको जनाउँछ ।