काठमाडौं । नेकपा एकीकृत समाजवादीको सचिवालय बैठक आज पनि बस्दै छ । एक सातादेखि जारी बैठकमा आज पनि छलफल हुने बताइएको छ ।

बैठक बिहान ११ बजे कीर्तिपुर, चम्पादेवीस्थित पुष्पलाल स्मृति पार्कमा बस्ने तय गरिएको छ। यसअघि बिहीबार पार्टी अध्यक्ष माधवकुमार नेपालले राजनीतिक प्रतिवेदनमाथि उठेका जिज्ञासाहरुको जवाफ दिएका थिए ।

आजको बैठकले महाधिवेशन, पार्टीको आगामी कार्यदिशा, केही रिक्त पदको पूर्ति र जिम्मेवारी हेरफेरलगायतका सवालमा निर्णय लिने बताइएको छ । एकीकृत समाजवादीमा बागमती र लुम्बिनी प्रदेश इन्चार्ज पद रिक्त रहेका छन् ।