बझाङ । बझाङमा आज भीरबाट लडेर एक जना बृद्धको मृत्यु भएको छ ।

मृत्यु हुनेमा जयपृथ्बी नगरपालिका वडा नं ३ पडेंसका ५५ वर्षीय रामचन्द्र बहादुर रोकाया रहेको सुदूरपश्चिम प्रदेश प्रहरी कार्यालयले जनाएको छ ।

आज दिउँसो घरबाट सदरमुकाम चैनपुर बजारतर्फ आउने क्रममा सोही ठाँउ स्थित पाल्ते भिरबाट एक्कासी अन्दाजी २५० मिटर तल खस्न गई निजको घटनास्थलमै मृत्यु भएको हो । उक्त घटनाका सम्बन्धमा जिल्ला प्रहरी कार्यालय बझाङबाट थप अनुसन्धान भईरहेको जनाइएको छ ।