logo

२०८१ बैशाख ९ आइतबार

logo
  • आइतबार, ९ बैशाख २०८१
  • सेयर बजार १७ दशमलव ३० अंकको गिरावट

    सेयर बजार १७ दशमलव ३० अंकको गिरावट

    689
    Shares
    सेयर बजार १७ दशमलव ३० अंकको गिरावट

    काठमाडौँ । आज नेपाल स्टक एक्सचेञ्ज(नेप्से) परिसूचक १७ दशमलव ३० अंकले घटेर २ हजार १८ दशमलव ३३ को बिन्दुमा कायम भएको छ । आज ३ सय १६ कम्पनीको ७९ लाख ५७ हजार ६ सय ५९ कित्ता शेयर ६७ हजार ४४ पटक खरिदबिक्री हुँदा रुपैँया ३ अर्ब २० करोड ५३ लाख ३२ हजार ३ सय २४ बराबरको कारोबार भएको छ ।

    निर्जीवन बीमा समूहको उपसूचक शून्य दशमलव १२ प्रतिशतले बढेको छ भने अरु सबै समूहको उपसूचक आज घटेको छ । सबैभन्दा धेरै उत्पादन तथा प्रशोधन समूह ३ दशमलव ६५, व्यापार १ दशमलव ७४, लघुवित्त १ दशमलव २० र विकास बैँक १ दशमलव ०९ प्रतिशतले घटेको छ । बैँकिङ शून्य दशमलव ५३, वित्त शून्य दशमलव ६२, होटल तथा पर्यटन शून्य दशमलव ७६, जलविधुत् शून्य दशमलव ०८, लगानी शून्य दशमलव ७९, जीवन बीमा शून्य दशमलव ९९, म्युचुअल फन्ड शून्य दशमलव ७३ र अन्य समूहको उपसूचक शून्य दशमलव ७१ प्रतिशतले घटेको छ ।

    मायाखोला हाइड्रोपावर कम्पनी लिमिटेडको शेयर मूल्यमा आज सकारात्मक सर्किट लागेको छ । गरिमा डिभेञ्चर २०८५ को मूल्य ८ दशमलव ०८ र उन्नत्ति सहकार्य लघुवित्त वित्तीय संस्था लिमिटेडको शेयर मूल्य ७ दशमलव ७४ प्रतिशतले बढेको छ ।

    सबैभन्दा धेरै घट्नेमा भने सर्वोत्तम सिमेन्ट लिमिटेडको शेयर मूल्यमा ९ दशमलव ९९ प्रतिशतले गिरावट देखिएको छ ।कारोबार रकम र शेयर सङ्ख्याका आधारमा आज सबैभन्दा धेरै सर्वोत्तम सिमेन्ट लिमिटेडको रुपैँया २८ करोड ६८ लाख ९३ हजार ३ सय ३१ बराबरको दुई लाख ९० हजार १ सय ३६ कित्ता शेयर किनबेच भएको छ ।रासस


    सुनाैलाे नेपाल
    सम्बन्धित समाचार
    ताजा अपडेट
    धेरै पढिएको
      © 2024 All right reserved to Sunaulonepal.com  | Site By : SobizTrend